「輕鬆講科技」最新一集，請到化名「主子」嘅嘉賓，一位 Clubhouse 廣東話界嘅「Community Leader」一嚟傾下 Clubhouse 呢個曾經大熱嘅語音社交平台，講下佢嘅興起同衰退，又分享下「主子」，以一個海外香港人的身份，喺呢個平台點樣建立屬於香港人嘅 24 小時傾計房，同埋佢最近創立「講港東話」House 的想法，同埋佢覺得 Clubhouse 可以作為「半 Radio」的方法，可以點樣聯繫全球香港人社群。 今集 Podcast 專登喺 Clubhouse 平台錄掣，用咗 Android Screen Capture 方式，把 Clubhouse 獨有嘅「空間音訊」效果也錄掣下來，所以大家可以聽到對話在左右聲道的來回，感覺比起單聲道的 Podcast 錄音，更加有趣。 初衷同背景：由高峰到低谷 節目一開始，Podcast 主持人就介紹下佢哋嘅 Podcast，強調今次係喺 Clubhouse 上錄製，目的係還原當年嗰種語音社交嘅即時互動感覺及當中的音質。Clubhouse 係 2020 年推出，真正紅係 2021 年初，因為 Elon Musk 嘅一場訪談令呢個平臺一夜爆紅。香港人亦趁呢個機會搞咗好多廣東話房，蕭若元等名人亦曾經喺平臺同大家互動。 香港社群：24 小時房的誕生 主子分享佢點樣由追星粉絲變成 Clubhouse 嘅活躍用戶。最初只係為咗追住蕭若元聽，後來慢慢喺香港社群中建立咗一個「24 小時房」。呢啲房間特點係無論幾點入去都有人喺度傾偈，好多人會輪流做主持，確保房間唔會熄。主子認為，呢種持續互動嘅方式為香港人帶嚟一個真正嘅語音社群。 平台改革同挑戰 到咗 2023 年，Clubhouse 嘗試改革，加入咗非實時語音短訊功能，但卻突略了本身 Live Room 即時房間的發展，結果唔係好成功，用戶流失得好犀利。主子提到，最近 Clubhouse 又改番本身的強項，以 Live Room 為主，希望搶救返啲用戶。雖然 Clubhouse 平台發展飄忽，令主子在 Clubhouse 發展香港人社群變得幾經波折，但廣東話香港人用戶仍然維持住佢哋獨有嘅 24 小時間，令在 2024 年 11 月，不少人以為 Clubhouse 已無人用嘅時候，還有幾百來自世界各地的香港人活躍於 Clubhouse 呢個社交平台 。 對香港社群嘅期望...